Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Vanderbijlpark-tak sny gras dat dit klap in Maart

DeurAfriForum 07/04/202515/04/2025

AfriForum se Vanderbijlpark-buurtspan het in Maart altesaam 34,32 hektaar se gras in parke en velde gesny en eindelik 139 vullissakke weggery, danksy hul volhoubare skoonmaakprojekte. Gras is in Phoenix-park, Langenhoven- en Herbertstraat en Pasteur-boulevard gesny.

Met die tak se volhoubare slaggatprojek is 340 sakke teer, oftewel 8,5 ton teer, gebruik om slaggate in Flora Gardens te herstel, nadat die gemeenskap AfriForum om hulp genader het. Tot dusver is daar al slaggate in Anemone-, Viola-, Lupe-, en Heide-laan herstel, asook in Fuchiastraat en Belladonna-rylaan.

Volgens Stephanus Blignault, AfriForum se distrikskoördineerder aan die Wes-Rand, is dit belangrik dat gemeenskappe moet saamstaan teen die verval in hul omgewing omdat munisipaliteite nie meer hul verantwoordelikhede nakom nie. “Selfdoen is verseker beter as niks doen,” sluit Blignault af.

Klik hier om vandag nog by AfriForum betrokke te raak.