Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Oos-Randse takke ruim veld in Germiston op om grondgrype af te weer

DeurAfriForum 26/06/202426/06/2024

AfriForum se strukture in Germiston, Edenvale, Alberton en Kempton Park het saam met die gemeenskap gewerk om inwoners van Klopperpark in Germiston teen onwettige grondgryping te beskerm. Die afgelope paar weke is daar pogings aangewend om onwettig grond te beset, wat ’n dringende reaksie van die gemeenskap en veiligheidsorganisasies genoodsaak het.

Die Ekurhuleni-metropolisiediens (EMPD), privaat sekuriteitsmaatskappye en AfriForum-buurtwagte was op die toneel om die situasie te moniteer en ondersteuning te bied. Die veld waar die pogings tot grondgrype plaasgevind het, was egter bebos met baie lang gras, wat die buurtwagte en die EMPD se werk bemoeilik het, veral saans wanneer sigbaarheid ’n kritieke faktor is.

Om hierdie uitdaging op te los, het AfriForum-takke en die gemeenskap op 22 Junie saamgekom om die veld skoon te maak en op te ruim. Gedurende die skoonmaakprojek is baie bome en bosse gesny, en meer as 30 sakke rommel is verwyder. Hierdie skoonmaakprojek het nie net die sigbaarheid in die veld verbeter nie, maar ook die veiligheid van die gebied opgeskerp, wat verseker dat geen onwettige grondgrypers die veld ongesiens kan betree nie.

“Die samewerking tussen die AfriForum-takke en die gemeenskap demonstreer die krag van kollektiewe aksie. Wanneer ons saamstaan, kan ons ons gemeenskappe beskerm en verbeter. Hierdie skoonmaakprojek is ’n bewys van ons toewyding om ’n veilige en stabiele omgewing te verseker,” sê Jurie Ferreira, AfriForum se distrikskoördineerder aan die Oos-Rand.

AfriForum bedank almal wat deelgeneem het aan die skoonmaakprojek en spreek hul waardering uit vir die gemeenskap se deurlopende ondersteuning. Samewerking en proaktiewe optrede soos hierdie is noodsaaklik om die uitdagings wat gemeenskappe in die gesig staar, suksesvol aan te pak.

AfriForum doen ’n beroep op alle gemeenskapslede om betrokke te raak en deel van die oplossing te wees. Sluit aan by AfriForum en maak ’n verskil in jou gemeenskap: Besoek www.wordlid.co.za vir meer inligting.