Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Geen vullisverwydering aan Suidkus? Skrap dan tariewe, eis AfriForum

DeurAfriForum 17/01/202517/01/2025

AfriForum se Laer-Suidkus-tak het vandag die Ray Nkonyeni Plaaslike Munisipaliteit in ’n skrywe versoek om die tariewe te skrap wat die afgelope drie maande vir vullisverwyderingsdienste gehef is. Dít omdat die staking waaraan munisipale werkers sedert 25 Oktober verlede jaar deelneem, veroorsaak het dat inwoners se vullis geensins in die afgelope paar maande verwyder is nie.

“Dit was ’n uiterse ongeleë tyd om met hierdie staking te begin, aangesien die toestroming van vakansiegangers ’n treurige beeld van die Suidkus geskets het. Intussen dreig ernstige gesondheids- en omgewingsprobleme om kop uit te steek weens die vullis wat die strate vol lê. Daar is alreeds ’n toename in vlieë en maaiers waar inwoners hulle rommel plaas,” sê JP Nel, AfriForum se voorsitter van die Laer-Suidkus-tak.

“Daar kan eenvoudig nie van inwoners verwag word om vir dienste te betaal wat nooit gelewer is nie. Sommige inwoners moes selfs ekstra betaal het sodat private vullisverwyderaars hul vullis verwyder. Dis onaanvaarbaar, daarom eis AfriForum dat die munisipaliteit die tariewe skrap en inwoners vir drie maande se tariewe krediteer,” sê Eugene van Aswegen, AfriForum se provinsiale koördineerder vir KwaZulu-Natal.

AfriForum het die munisipaliteit 14 dae gegee om op dié eis te reageer. Indien die munisipaliteit versuim om dit te doen sal die burgerregteorganisasie verdere stappe oorweeg.