Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se MidWit-buurtspan verwyder meer as 250 sakke vullis

DeurAfriForum 15/10/202615/10/2026

AfriForum se MidWit-buurtspan het gedurende September meer as 5,6 hektaar in Middelburg en eMalahleni (voorheen Witbank) skoongemaak en meer as 250 sakke vullis verwyder. Tydens dié skoonmaakaksies wat in parke, strate en ander openbare ruimtes in dié twee dorpe aangepak is, is op onder meer gebruikte spuitnaalde en sanitêre produkte afgekom. Dit wys volgens AfriForum op die dringende behoefte aan deurlopende opruimingsprojekte soos dié.

In Middelburg het die span nagenoeg 3,4 hektaar skoongemaak en meer as 140 sakke vullis verwyder. Die werk is by groenstroke in Heliodorstraat, Proteaweg (by die sogenaamde Tosca-park), Pongolarylaan, Bloekomsig, Eastdene en Verdoornstraat aangepak. Die span het ook opruimingswerk gedoen in Koetsstraat, naby die 4 SAI-basis by die Olifantsrivier, by Krugerdam in Aerorand en in Mineralia.

In eMalahleni het die span sowat 2,2 hektaar se gras gesny en terreine opgeruim, en meer as 110 sakke vullis verwyder. Dié skoonmaakaksies is toegespits op groenstroke in Oppenheimerrylaan, Lukin-, Anton van Wouw- en Inastraat, terwyl die omgewing rondom die SAVF Immergroen-tehuis ook opgeruim is.

Volgens Mark Salzwedel, voorsitter van AfriForum se Middelburg-tak, is inwoners veronderstel om parke en groenstroke sorgvry te gebruik sonder om tussen vullis en gebruikte spuitnaalde te loop. “Hierdie groenstroke word egter in vullishope omskep met alles van gestroopte koperkabels tot stukkende elektroniese toestelle. Eenmalige skoonmaakaksies is eenvoudig nie genoeg om die storting te keer nie. Daarom moet ons toesien dat gereelde opruiming gedoen word sodat inwoners dié terreine weer met vertroue kan gebruik,” verduidelik hy.

Sarel van Heerden, voorsitter van AfriForum se Witbank-tak, vol dat elke aksie wat die MidWit-span aanpak, uiteindelik tot die verbetering van die onderskeie dorpe bydra. “Elke terrein wat opgeruim word, bring ’n sigbare verbetering in iemand se onmiddellike omgewing. Ons moedig inwoners en ondernemings aan om hierdie werk te ondersteun,” sluit hy af.

Raak vandag nog betrokke

AfriForum se Witbank- en Middelburg-takke moedig inwoners en ondernemings aan om betrokke te raak by soortgelyke projekte wat daarop gemik is om hierdie dorpe op te knap, te beveilig en te verbeter. Besoek www.wordlid.co.za vir meer inligting.