Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Noord van die berg-tak volstoom aan die gang ná amptelike stigting

DeurAfriForum 02/06/202502/06/2025

AfriForum het op 26 Mei sy Noord van die Berg-tak en -buurtwag amptelik gestig. Dié stigting is ’n belangrike stap om gemeenskapsbetrokkenheid, veiligheid en selfdoeltreffendheid in Pretoria se noordelike voorstede – Akasia, Heatherdale, Dorandia, Theresapark, Pretoria-Noord, Wolmer, Wonderboom, Doornpoort, Montana Park, Sinoville, Magalieskruin en Onderstepoort – verder te bevorder.

Die gemeenskap het ’n sterk en dinamiese bestuur gekies om die belange van die inwoners noord van die berg te verteenwoordig. Hulle is Werner Coetzee (steunspanleier), Hannelie van Niekerk (inligtingspanleier), Ruan Janse van Vuuren (buurtwagleier), Francois Janse van Vuuren (ops-spanleier), Rufus Visagie (ondervoorsitter), Juanita van der Walt (sekretaris), Giel Loubser (tesourier) en Willem Klooster (voorsitter).

Die tak se buurtspan het dadelik aan die werk gespring met verskeie projekte wat reeds van stapel gestuur is, waaronder die grassny en instandhouding van parkies en spruite en die herstel van slaggate. Die buurt se veiligheid is ook verhoog danksy die buurtwag se patrollies en die installasie van sekuriteitskameras.

Daarbenewens is daar reeds gevorderde planne om ’n tweede buurtspan te vestig, wat AfriForum se teenwoordigheid en impak in die gebied verder sal versterk. Die Noord van die Berg-tak werk ook nou saam met ander organisasies in die area om hulpbronne, kundigheid en vaardighede te deel – alles in ’n poging om die gemeenskap sterker en meer selfstandig te maak.

AfriForum se Noord van die berg-buurtspan maak maandeliks dele aan die noorde van Pretoria skoon. Besoek www.wordlid.co.za om hierdie pogings te ondersteun.

AfriForum nooi alle inwoners noord van die berg uit om betrokke te raak – volg die skakel na die WhatsApp-groep. Help AfriForum bou aan ’n skoner, veiliger en meer selfstandige gemeenskap.

Mediaverklarings | Privaatvervolging Mediaverklarings

Privaatvervolgingseenheid kry lasbrief om Jaco Swart te arresteer

DeurAfriForum 22/08/202322/08/2023

AfriForum se privaatvervolgingseenheid het ’n reuse-oorwinning behaal in die ontwikkeling en uitbreiding van die reg met betrekking tot private vervolging….