Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Onderwys- en leierskapsprojekte Mediaverklarings

AfriForum moedig publiek aan om langer tyd vir kommentaar op “Bela-regulasies” te benut

DeurAfriForum 03/10/202503/10/2025

Klankgreep: Alana Bailey (Afrikaans)

Klankgreep: Alana Bailey (Engels)

AfriForum het die tweede verlenging van die tydperk vir openbare kommentaar op die sogenaamde Bela-regulasies, wat vandag in die Staatskoerant aangekondig, verwelkom. In Augustus vanjaar is hierdie konsepregulasies vir die toepassing van die Wysigingswet op Wette op Basiese Onderwys (Bela) met betrekking tot toelating tot en kapasiteit van skole vir openbare kommentaar gepubliseer. Aanvanklik sou die sluitingsdatum 5 September 2025 wees, maar dit is nou tot 5 Desember verleng.

Volgens Alana Bailey, AfriForum se hoof van Kultuursake, is AfriForum se kommentaar reeds ingedien, maar dié organisasie beskou dit steeds as positief dat die publiek nou nog meer tyd het om weldeurdagte insette oor die regulasies te lewer. “Beide stelle regulasies sal ’n betekenisvolle invloed op die aard van openbare skole en die beskikbaarstelling van hoëgehalte onderrig hê, daarom is dit nodig dat soveel instellings, organisasies en individue as moontlik kommentaar daarop indien.”

AfriForum se kommentaar fokus veral op onduidelikhede en weersprekings in die regulasies, wat later dalk tot dispute of selfs regsaksies mag lei as dit nie beter geformuleer word nie. “Veral oor sensitiewe kwessies soos voedingsones en die rol van taalbeleide in toelatingsvereistes moet daar geen onduidelikheid wees nie,” beklemtoon sy.

Enigeen wat ook teen 5 Desember 2025 insette wil lewer, kan die nodige inligting en adresse vir indiening in die Staatskoerant van 3 Oktober 2025 (volume 724, nommer 53477 vind, of AfriForum vir meer inligting by onderwys@afriforum.co.za kontak.