Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum bemagtig vroue met selfverdedigingsopleiding

DeurAfriForum 28/08/202528/08/2025

AfriForum se Noord van die Berg-tak, in samewerking met AfriForum se Brits-tak, het op Saterdag 23 Augustus opleiding in selfverdediging vir vroue by Aequitas Arms & Accessories buite Pretoria aangebied.

Altesaam 21 vroue het die dag bygewoon, waar hulle intensiewe opleiding in vuurwapenhantering en fisieke selfverdediging ontvang het. Die opleiding is aangebied deur die kundige instrukteurs van Aequitas en lede van die Brits-protospan, onder leiding van hul operasionele leier, Jozua Rossouw, wat ook gehelp het om die dag te organiseer.

Die sessies het die deelnemers praktiese vaardighede geleer en ook selfvertroue en weerbaarheid onder hulle ingeboesem. Selfs die manlike helpers het met ’n paar kneusplekke huis toe gegaan, wat ’n bewys is van die vroue se nuwe vaardighede!

“Ons wil hê vroue in ons gemeenskappe moet oor die nodige kennis en selfvertroue beskik om hulself en hul gesinne te beskerm. Hierdie tipe opleiding is ’n kragtige manier om gemeenskappe veiliger te maak,” sê Ruan Janse van Vuuren, voorsitter van AfriForum se Noord van die Berg-tak.

Met inisiatiewe soos hierdie versterk AfriForum sy verbintenis om gemeenskappe toe te rus, selfverdediging te skerp en veiligheid op plaaslike vlak te bevorder.