Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

#OnsDorp: AfriForum en ander werk saam om woonbuurt nuwe baadjie te gee

DeurAfriForum 23/01/202623/01/2026

AfriForum se Klerksdorp-tak het in Desember saam met die Doringkruin-buurtwag gewerk en ’n grootskaalse buurtvernuwingsprojek van stapel gestuur as deel van AfriForum se nasionale #OnsDorp-veldtog. Hierdie projek het van 18 Desember 2025 tot 21 Januarie 2026 geduur.

Tot dusver het hierdie span ’n area van meer as 47 000 m², byna so groot soos sewe rugbyvelde, skoongemaak. Dit sluit in die sny van gras langs Murantiweg, sowel as die volledige rehabilitasie van Karee- en Tambotiepark. Benewens die grassnywerk, is indringer-doringbome verwyder en bome langs die pad netjies gesnoei om die buurt se estetiese waarde te verhoog.

Hierdie projek is moontlik gemaak deur ’n vennootskap tussen die AfriForum-tak, Doringkruin-buurtwag en die plaaslike gemeenskap. Die totale koste vir die huidige fase beloop R 14 835,00. Hierdie fondse word direk aangewend vir die bedryfskoste van die projek, insluitend brandstof, olie, toerustingonderhoud en vergoeding vir die mense wat die fisiese arbeid verrig.

Die volhoubaarheid van hierdie inisiatief rus egter op die skouers van elke inwoner. Om die werkspan permanent te onderhou en te verseker dat Klerksdorp se parke en strate nie weer agteruitgaan nie, is die gemeenskap se aktiewe deelname nodig. “Ons moedig elke inwoner van Doringkruin aan om hande te vat met hierdie werkspan. Hetsy met ’n finansiële bydrae of deur self moue op te rol en betrokke te raak. Elke bietjie help om te verseker dat ons dorp ’n plek bly waar ons met trots kan woon,” sê Alta Pretorius, AfriForum se distrikskoördineerder vir die Mooirivier.

Inwoners wat bydraes wil lewer of meer inligting verlang oor hoe om die werkspan te ondersteun, kan vir Frans Roos kontak by 0833788826.

Om aan te sluit by AfriForum se Klerksdorp-tak, kontak gerus vir Alta Pretorius by 081 392 2071.