Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum verfraai Le Roux-dorpshuis in Oudtshoorn

DeurAfriForum 11/03/202511/03/2025

Die Le Roux-dorpshuis se perseel lyk nou soos ’n nuwe sikspens nadat die AfriForum-tak in Oudtshoorn verlede week vir die eerste keer daar ingevaar en opgeruim het.

AfriForum onderhou nou al ’n geruime tyd die parkies in Luscombe- en Middelstraat, maar het onlangs ook die instandhouding van die C.P. Nel-museum en die Le Roux-dorpshuis se terreine oorgeneem. Die trustees van die C.P. Nel-museum het AfriForum om hulp genader met die instandhouding en sedertdien lyk beide museums se grasperke sommer stukke beter.

Behalwe vir 2,5 sleepwa vragte vullis wat weggery is, het AfriForum ook bemesting in die tuine en op die grasperk van die Le Roux-dorpshuis ingewerk, om die geboue opgeruim en bome gesnoei. Die tak het ook bossies, onkruid en ongewenste boompies verwyder en van hope ou vullis ontslae geraak. Donovan Kleinhans, voorsitter van AfriForum se Oudtshoorn-tak, sê hulle is dankbaar om deel van die verskil te kon wees. “Ons is bly dat ons kon help en sal voortgaan om te verseker dat geskiedkundige geboue soos hierdie bewaar word. Ons nooi graag die gemeenskap uit om betrokke te raak en ons te help om meer projekte soos hierdie aan te pak,” sê Kleinhans.

Die tak het sedert die begin van Februarie meer as 18 000 m²gras gesny tydens hul opknappings-projekte in Oudtshoorn.

Raak vandag nog betrokke en help die Oudtshoorn-tak om nóg meer vir die gemeenskap te doen. Stuur ’n e-pos na marthinus.erasmus@afriforum.co.za of bel hom by 081 216 9602.