Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Strand-tak speel rol in bestryding van brand in Gordonsbaai

DeurAfriForum 28/10/202528/10/2025

AfriForum se Strand-tak het op 21 Oktober ’n belangrike rol gespeel in die bestryding van ’n brand in Gordonsbaai. Plantegroei by Roete 44 in Clarence-weg het verwoed gebrand, terwyl die organisasie Overberg Fire & Rescue en verskeie ander nooddienste ondersteun het.

Met AfriForum se aankoms op die toneel, was daar slegs een brandweerwa. AfriForum het onmiddellik ’n gesamentlike operasionele sentrum opgestel waar alle nood- en veiligheidsdienste doeltreffend kon kommunikeer en saamwerk om die brand onder beheer te kry.

AfriForum het ook gehelp om verkeer te reguleer, omdat een baan op hierdie roete gesluit was vir verkeer en daar toe nou slegs een baan oop is, wat ’n gevaar ingehou het omdat dit ’n kuspad is. Kommunikasie kon dus uitstekend plaasvind tussen alle rolspelers wat verseker het dat die brand veilig en doeltreffend onder beheer gebring is.

AfriForum se Strand-tak bedank sy buurtwag, Stad Kaapstad se nooddienste en natuurbewaringsafdeling, Overberg Fire & Rescue en die provinsiale verkeersafdeling vir hul hulp op die toneel.

“AfriForum se Strand-tak reageer altyd op noodgevalle wat ons gemeenskap raak om te verseker dat almal veilig tuis kan terugkeer,” sê Kiara Brown, voorsitter van AfriForum se Strand-tak.

Raak vandag betrokke by jou naaste AfriForum-takke. Besoek www.wordlid.co.za vir meer inligting.