Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum Sakenetwerk verkies bestuur om Durbanville-ondernemings te help groei

AfriForum Sakenetwerk se nuutgestigte plaaslike sakenetwerk in Durbanville het Woensdag ’n nuwe bestuur aangewys wat gaan help terugploeg in plaaslike sakeondernemings. Hierdie sakenetwerk is die derde van sewe plaaslike sakenetwerke – wat onlangs deur AfriForum Sakenetwerk gestig is – om ’n bestuur te verkies.

Die bestuur is verantwoordelik daarvoor om verskillende ondernemings aan mekaar voor te stel, verwysingsbemarking te fasiliteer, die gemeenskap te rugsteun, handelsmerke te versterk en verhoudinge met ander ondernemings in die gebied op te bou.

AfriForum Sakenetwerk se Durbanville-bestuur bestaan uit Azaan van Eeden (Van Eeden Tax) as voorsitter, Deon de Jager (AfriForum se hoof van Gemeenskapstrukture in die Suidstreek) as ondervoorsitter, Paul Tappan (Exitol Cleaning Supplies) as tesourier, Annelize Blom (entrepreneur) as koördineerder van die sosiale-portefeulje en Jan Steenekamp (Exitol Cleaning Supplies) as koördineerder vir mentorskap en opleiding.

Van Eeden vertel sy is baie opgewonde oor die nuwe verhoudings wat tussen plaaslike sakeondernemings gebou gaan word. Haar visie is om die plaaslike sakenetwerk in Durbanville te laat groei om ’n impak in en vir die gemeenskap te maak.

“Die stigting van dié plaaslike sakenetwerk en die aanstelling van ’n bestuur beteken dat ondernemings in Durbanville van krag tot krag sal gaan,” sê Sanderien van der Walt, bestuurder van AfriForum Sakenetwerk. “AfriForum Sakenetwerk besef dat ondernemings en entrepreneurs dikwels die hart van ’n gemeenskap is, so wanneer ’n onderneming floreer, floreer ’n gemeenskap,” sê sy.

Durbanville se plaaslike sakenetwerk se eerste netwerkgeleentheid vind op 11 April plaas. Enigeen wat by hierdie geleentheid baat kan vind, word genooi om met Azaan van Eeden (voorsitter) by 082 725 4888 te skakel vir meer inligting oor hierdie geleentheid.

AfriForum Sakenetwerk bied verskeie voordele aan ondernemings wat by die netwerk aansluit. Behalwe vir die werkswinkels oor finansies, belasting, operasionele sake, administrasie en bemarking, wat teen ’n minimale koste deur Akademia aangebied word, word maandelikse netwerkgeleenthede ook aangebied.

Klik hiér vir meer inligting oor AfriForum Sakenetwerk en sy plaaslike sakenetwerke.