Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum draai die soeklig op rioolprobleme in Modimolle

DeurAfriForum 23/04/202523/04/2025

AfriForum se Nylstroom-tak in Modimolle doen ’n beroep op die Modimolle-Mookgophong Plaaslike Munisipaliteit om dringend in te gryp by die jarelange rioolprobleme wat die dorp teister. Die dorp ervaar die afgelope sewe jaar gereelde rioollekkasies wat nie net die omgewing bedreig nie, maar ook die gesondheid van die gemeenskap in gevaar stel. Rioollekkasies is veral algemeen in die omgewing naby die rivier.

AfriForum eis dat die munisipaliteit volhoubare oplossings implementeer om ’n einde aan die rioolprobleme te bring. Dit is noodsaaklik dat die infrastruktuur verbeter word om verdere skade en gesondheidsrisiko’s te voorkom.

AfriForum moedig inwoners aan om enige rioollekkasies aan die munisipaliteit te rapporteer om vinniger reaksie en herstelwerk te verseker. Inwoners kan die lekkasies ook by AfriForum aanmeld deur hier te klik. Hierdie lys sal dan aan die munisipaliteit oorhandig word om die probleemareas onder hul aandag te bring en verdere druk toe te pas.

“AfriForum bly daartoe verbind om die regte van gemeenskappe te beskerm en sal aanhou om toesig te hou oor die situasie in Modimolle. Ons doel is om saam met die plaaslike owerhede te werk en ‘n skoner en veiliger omgewing vir almal te verseker,” sê Hendrik Kotzé, AfriForum se provinsiale distrikskoördineerder vir Limpopo.

Vir verdere inligting of by hierdie AfriForum-tak aan te sluit, kontak Kotzé by hendrik.kotze@afriforum.co.za.