Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-buurtwag en Dibeng-inwoners fnuik inbreker se planne

DeurAfriForum 10/09/202510/09/2025

Die AfriForum-buurtwag in Dibeng (Deben) het Dinsdag nog voor 08:00 vinnig en doeltreffend opgetree nadat lede van die gemeenskap opgemerk het dat ’n verdagte besig was om by ’n eiendom in die gebied in te breek.

Gemeenskapslede het onmiddellik die buurtwag ontbied en saam met die AfriForum-lede daarin geslaag om die verdagte aan te keer. Die vermeende inbreker is daarna sonder voorval aan die Suid-Afrikaanse Polisiediens (SAPD) oorhandig. Die polisie ondersoek die saak verder.

“Hierdie voorval is weereens ’n bewys dat georganiseerde gemeenskapsveiligheid ’n verskil maak. Wanneer gemeenskappe en georganiseerde buurtwaglede saamstaan en betrokke raak, word misdaad ingeperk en ’n sterk boodskap word gestuur dat ons nie kriminaliteit sal duld nie,” sê Lize-Mari Smit, AfriForum se distrikskoördineerder vir die Karoo.

AfriForum se buurtwag in Dibeng bly daartoe verbind om die veiligheid van inwoners te verseker, sigbaarheid in die dorp te verhoog en saam met die SAPD te werk om misdaad hok te slaan.