Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-buurtspan verwyder honderde sakke vullis in Krugersdorp

DeurAfriForum 01/10/202501/10/2025

Die AfriForum-buurtspan in Krugersdorp, in samewerking met toegewyde gemeenskapslede, het in September meer as 250 sakke vol rommel en tuinvullis verwyder. Verskeie parke, sypaadjies, velde en padskouers is netjies gemaak. Hierdie skoonmaakprojek is ’n bewys dat georganiseerde gemeenskapsoptrede ’n positiewe impak op die stad het.

Van die gebiede wat skoongemaak is, is die veld by die Paul Kruger-standbeeld; die veld langs Spruit-substasie; die park op die hoek van Derde- en Bodensteinstraat; en die 5 km-lange sypaadjie en padskouer in Robert Broom-rylaan.

AfriForum het al herhaaldelik versoeke aan die Mogale City Plaaslike Munisipaliteit gerig vir gesprekvoering oor samewerking met betrekking tot skoonmaakprojekte en basiese dienslewering. Tot dusver het die munisipaliteit egter geweier om in gesprek met AfriForum te tree.

Volgens Stephanus Blignault, AfriForum se distrikskoördineerder vir die Wes-Rand, is dit bemoedigend dat inwoners AfriForum se inisiatiewe ondersteun. “Die gemeenskap se betrokkenheid wys dat mense nie meer passief wil toekyk hoe hul dorp agteruitgaan nie. Saam kan ons werklik ’n verandering bewerkstellig, ongeag die munisipaliteit se onwilligheid om betrokke te raak,” sê Blignault.

AfriForum se Krugersdorp-buurtspan sal aanhou om saam met die gemeenskap ’n verskil te maak. Deur volgehoue optrede en gemeenskapsondersteuning bewys AfriForum dat burgerlike samewerking die sleutel is tot volhoubare verandering en ’n skoner, veiliger omgewing.

Besoek www.wordlid.co.za om vandag nog by jou naaste AfriForum-tak aan te sluit.