Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Riool-nagmerrie: Ekurhuleni-metro moet nou probleem oplos

Die burgerregteorganisasie AfriForum meen dat die Ekurhuleni Metropolitaanse Munisipaliteit die gemeenskap se welstand voorop moet stel. Dít volg ná dele van Benoni en Brakpan steeds vir maande lank gebuk gaan onder rou riool wat deur die strate vloei.

Benewens die gesondheidsrisiko’s wat met die rioolkrisis gepaardgaan, is daar ook al wesenlike skade aan infrastruktuur aangerig. Sommige paaie is byna onbegaanbaar weens slaggate wat begin vorm het as gevolg van die riool wat heeltyd deur die strate vloei.

Areas wat tans erg deur hierdie rioolstorting geraak word is die subweg in Hoofrifweg in Brakpan, en Lancaster-, Dagenham- en Styxweg in Benoni.

Volgens Nadia Olckers, AfriForum se distrikskoördineerder vir die Oos-Rand is hierdie paaie oorstroom met rou riool. “Honderde motoriste en voetgangers gebruik daagliks hierdie paaie en as voetgangers nie deur dit loop nie word hulle daarmee gespat wanneer motoriste noodgedwonge daardeur moet ry. Daar is ook koshuise, woonstelblokke en ondernemings wat erg hierdeur geraak word. Dit bly vir ons kommerwekkend dat die metro bloot hul rug op die probleem draai.”

Olckers sê voorts dat die metro se versuim om op te tree inbraak maak op inwoners se grondwetlike regte aangesien elke individu ingevolge artikel 24 van die Grondwet die reg het tot ’n omgewing wat nie skadelik is vir hul gesondheid of welstand nie.

Daarbenewens is daar verskeie wetgewing wat klem plaas op ’n gesonde omgewing wat nie onder besoedeling moet deurloop nie. Voorts is munisipaliteite ook ingevolge die Wet op Watervoorsiening (108 van 1997) daarvoor verantwoordelik om volhoubare sanitasiedienste te verseker – iets wat nie tans in Brakpan en Benoni die geval is nie.

“AfriForum versoek ’n dringende aksieplan van die metro met ’n duidelike tydlyn oor wanneer en op watter wyse hulle van plan is om hierdie probleem die hoof te bied,” voeg Olckers by.

Die organisasie versoek voorts dokumentasie wat dui op ’n deeglike ondersoek na die rioolprobleem in die onderskeie areas asook dat noodmaatreëls ingestel moet word om die gemeenskap te beskerm en die probleem op te los.

“Die metro moet meer doen om hierdie tipe probleme vinniger aan te roer en ook om meer deursigtig met die gemeenskap te kommunikeer oor hoe lank die probleem gaan voortduur en hoe hulle dit gaan oplos,” sluit Olckers af.

Raak vandag nog betrokke by jou naaste tak om saam ’n verskil te maak. Besoek www.wordlid.co.za.