Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Coligny-tak skoffel en vee in Voortrekkerstraat

DeurAfriForum 09/04/202509/04/2025

AfriForum se Coligny-tak het gedurende die eerste kwartaal van die jaar voortgegaan met hul volhoubare projek in Voortrekkerstraat. Die tak het die pad gevee, vullis opgetel en weggery, die middelmannetjies geskoffel en skoongemaak in n poging om die dorp netjies te maak. Daar is sowat 90 vragte vol vullis en tuinafval weggery en ’n totaal van 1 050 km afgelê om van hierdie projek ’n sukses te maak.

Die hoofpad word weekliks deur tak-lede gevee en dan word daar ook vullis opgetel en verwyder.

“Daar is ongelooflik baie uitdagings in Coligny, netheid is een daarvan. Dis vir ons almal belangrik om in ’n netjiese omgewing te bly en daarom het ons as inwoners besluit om self in te spring om die hoofpad in Coligny weer mooi te maak. Ons dorp is ons trots en daarom sal ons aanhou om hierdie projek te dryf,” sê Frans Gerber, ondervoorsitter van AfriForum se Coligny-tak.

“Coligny is ’n uitstekende voorbeeld van ’n klein gemeenskap wat ongelooflik baie omgee oor hulle dorp. Hulle wag nie vir die munisipaliteit om hul werk te doen nie en spring self in en doen die werk wat gedoen moet word. Hulle maak nie verskonings nie en gebruik hulle trots om hulle dorp op te knap,” sê Armand Viljoen, AfriForum se distrikskoördineerder vir Marico.

AfriForum wil graag ’n groter verskil in die gemeenskap maak en moedig die gemeenskap aan om betrokke te raak by die tak se aktiwiteite by www.wordlid.co.za. Belangstellendes kan ook vir Tewie Pieters te skakel by 078 611 2214.