Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

I-AfriForum igceka liTiko ngekwehluleka kwekundluliselwa kwemhlaba emmangweni waseDennilton

Barend Uys (English)

I-AfriForum ifune timphendvulo eTikweni laseLimpopo Letekuguculwa Kwemhlaba kanye Nekutfutfukiswa Kwetindzawo Tasemakhaya nga-25 August ngemuva kwekuba leliTiko lehlulekile kuletsa umbiko wenchubekala phambili ngekundluliselwa kwemhlaba kumalunga ase-Dennilton Enhlangano Yebanikati Bemhlaba. Lesinyatselo silandzela imilayeto leyatfunyelwa yinhlangano yemalungelo ebantfu mayelana nalendzaba nga- April nangaMay kulomnyaka ngemuva kwekuba Inhlangano Yebanikati Bemhlaba itsintsene ne-AfriForum kuze itfole kusekelwa. Ticelo tekucala tekwendluliselwa kwemhlaba tatfunyelwa emuva ngaJuly 2017, kungekho inchubekela phambili lebonakalako leyentiwe kusukela ngaleso sikhatsi. Banikati bemhlaba bacele kutsi umhlaba wabo wendluliselwe kubo ngekwemigomo yeMtsetfo Wekulungiswa Kwematayitela Emhlaba longu- 111 wanga-1993.

“Emalunga eDennilton Enhlangano Yebanikati Bemhlaba abhekene netinsayeya letinkhulu ngoba awanayo itayitela yetindzawo tawo. Kufakwa kwemaphayiphi emanti kanye nekwakhiwa kwesiteshi sekuphehla gesi kusetjentiswa lilanga kuyachubeka njengamanje, kodvwa kweswelakala kwematayitela kuphumele ekwephulweni kwemalungelo emhlaba webanikati. Abhekene nanetinsayeya letivela ekuhlaleni ngalokungekho emtsetfweni kwebantfu labavamile futsi akhatsatekile ngemphahla leyendluliselwa kubantfu labangenaso simangalo lesisemtsetfweni,” kusho Barend Uys, Inhloko yekuchumana kwekusebentisana nemasiko kanye nekubambisana e-AfriForum.

Indlela leliTiko lelitiphetse ngayo iphakamisa imibuto lebalulekile mayelana nekutibophelela kwahulumende loholwa yi-ANC ngalokuphatselene nemalungelo emphahla kanye nebunikati bemhlaba. Uys utsi lommango bewusolo ulindzile cishe iminyaka lelishumi kutsi umhlaba wawo wendluliselwe kuwo. “Tento tikhuluma kancono kunemavi – kuyacaca-ke kutsi tiphatsimandla atinendzaba nemalungelo aletakhamuti ngelilungelo lato lekuba nendzawo yato. Loku kucinisekisa kukhatsateka lokukhulu kwe-AfriForum mayelana nemetamo lechubekako yahulumende yekunika tikhulu emandla emazingeni lahlukahlukene ahulumende kutsi titsatse imphahla ngaphandle kwesincephetelo.”

Ngekusho kwa-Uys, kwehluleka kwetiphatsimandla kusebentisa kahle umtsetfo lokhona kwendlulisela umhlaba kubantfu ngabanye nasemimangweni kusimo lesikhatsatako. “Hulumende uphindze wehluleka kusebentisa uMtsetfo Wekutfutfukiswa Kwemalungelo Ekubunikati Bemhlaba longu-112 wa-1991, futsi kuye kwentiwa imetamo leminyentana yekususa loMtsetfo. Loku kwenteka nangetulu kwekutsi loMtsetfo ufaneleka kakhulu ekwendluliseleni umhlaba emimangweni yemdzabu. Kuyacaca kutsi hulumende loholwa yi-ANC uvimbela ngemabomu kwendluliselwa kwemhlaba ngemtamo wekulawula ngalokungakafaneli imimango,” kusho Uys.

I-AfriForum incusa imimango yendzabuko kanye naleminye kutsi icalise inchubo yekwendlulisela umhlaba ngekusho kwalomtsetfo, kute kuvikelwe umhlaba wabo kuze kuzuze titukulwane letitako.