Knysna se paaie moet veilig wees

Slaggate, verspoelde paaie en gevaarlike padtoestande ná die onlangse storms raak inwoners, skoolkinders, ondernemings en nooddienste regoor Knysna.

AfriForum se Knysna-tak het talle klagtes en navrae uit die gemeenskap ontvang. Die boodskap is duidelik: inwoners wil nie net kla nie – hulle wil ’n praktiese plan, duidelike prioriteite en gereelde terugvoer hê.

Ons versoek die Knysna Plaaslike Munisipaliteit om:

• ’n duidelike aksieplan vir stormbeskadigde paaie bekend te maak;
• prioriteitsgebiede en tydlyne vir herstelwerk te bevestig;
• gevaarlike paaie tydelik te beveilig waar herstelwerk nog nie kan plaasvind nie;
• gereeld aan die gemeenskap terugvoer te gee; en
• ’n gemeenskapsforum saam te stel waar plaaslike organisasies, insluitend AfriForum, insette kan lewer.

Knysna se inwoners verdien veilige paaie en eerlike terugvoer.

Teken die petisie en help AfriForum om die gemeenskap se stem aan die munisipaliteit oor te dra.

Jy kan help om Knysna te beveilig. Laat jou stem hoor. Voeg jou naam by.