Hlonipha lifa letitukulwane letendlulile ngekusebenta ngekutinikela nangetimiso letinhle ngeliLanga le-Afrika
Inhlangano ye-AfriForum incusa imiphakatsi yemasiko netinhlangano temmango kutsi tihloniphe lifa letitukulwane letengcile ngekusebenta ngekutimisela ngenjongo yekucinisekisa likusasa lelihle lebantfwana base-Afrika nekunaka kabusha kucinisa buve, inkhululeko kanye nekulunga. I-AfriForum yente lesicelo ngesikhatsi kugujwa Lilanga Lase-Afrika nga-25 May.
I-AfriForum isebenta ngekutinikela kute icinisekise likusasa lelikhululekile, leliphephile naleliphumelelako lemaBhunu, ngekuhlalisana ngekuthula naleminye imimango lenemasiko lehlukile, engcenyeni leseningizimu ye-Afrika. Kute kufezeke loku, i-AfriForum yakha budlelwane lobuhle nekubambisana, lokusekelwe ekwemukelaneni nasekuhloniphaneni, nalamanye emasiko aletinye tindzawo, futsi yenta imiklamo lehlanganyelwe yetigaba letiphansi lecinisa kutigcabha ngelisiko kanye nekutsi ummango utimele futsi utinakekele. “Ngeke sikhone kubushintja bumatima lesibhekene nabo esikhatsini lesendlulile, ngisho nobe singatsandza kangakanani kwenta njalo. Nobe kunjalo, likusasa lisesandleni setfu – ngiko loko lesikunake kakhulu; sikhetsa kutsi kuchubeke kukhona kulunga,” kusho Barend Uys, iNhloko yeBudlelwane beMasiko neKubambisana e-AfriForum.
“I-Afrika yatala emaBhunu; kute lelinye likhaya lesinalo. Ngako-ke, kulilungelo kitsi kusebentisana ngekutinikela kute sicinisekise likusasa lebantfwana betfu kanye nebantfwana baletinye tinhlanga. I-Afrika kanye nebantfu bayo banelikhono lelikhulu, futsi siyakholelwa kutsi lelikhono leliphelele lelivekati letfu lelihle lingavulwa yimiphakatsi letitsatselako umtfwalo, ibuyisele futsi yatise indlela lenhle yekutibona kanye nekutetsemba, icinise kutimela kwemiphakatsi, futsi isebentisane naleminye imiphakatsi nangabe kungenteka. Lamuhla siphindze sikhumbule titukulwane letengcile letadzela lokunyenti kute ticinisekise kutsi sonkhe siba nendzawo lapha,” kuphetsa Uys.
siSwati
