AfriForum e lakaletsa  Morena e Moholo Montoeli Mota mahlohonolo letsatsing la hae la tswalo ha a qeta dilemo tse  50th mme e tiisa tshebedisanommoho ya yona  le  Batlokoa Ba Mota

AfriForum kajeno e lakaletsa Morena e Moholo (Moetapele e Moholo wa Setso) Montoeli Mota Morena e Moholo wa Batlokoa Ba Mota ba Tsheseng, borwa ho Phuthaditjhaba Freistata – letsatsing la hae la tswalo ha a qeta dilemo tse 50. Ntle le ditakaletso tsa yona tsa mahlohonolo ho Morena e Moholo Mota phihlellong ya hae ya mokolokotwane ona, mokgatlo hape kajeno o tiisa boitlamo ba ona ba tshebedisanommoho le Batlokwa Ba Mota ba baahi ba ditso tse fapaneng.

 Letsatsi la tswalo la Morena e Moholo Mota le ile la ketekwa ka mokgwa o kgahlisang nakong ya selemo sena sa Beke ya Setso ya Batlokwa (Batlokwa Cultural Week), e neng e ketekwa bekeng ya ho qetela ya Loetse. Kalie Kriel, Mohlanka e Moholo wa Phethahatso (CEO) wa AfriForum, o ile a fetisa ditakaletso tsa mahlohonolo ho Morena e Moholo Mota nakong ya moketjana wa dijo wa ka phirimana  mohla la 25 Loetse mme a fetisa molaetsa wa setswalle le tshebedisanommoho ho morabe wa Batlokoa letsatsing le hlahlamang, nako ya sehlohlolo sa mekete ya bojalefa ba Batlokwa.

Baahi ba fapaneng ba Batlokoa le baetapele ba bona ba borena, ba neng ba itlhophisitse ka hare ho Federeishini ya Makgotla a Batlokwa (Federation of Batlokwa Councils), ba bile teng bekeng ena ya setso. Federeishini ena e sebetsa jwalo ka lentswe le tshehetsang ntshetsopele le tshireletso ya boitsebahatso  ba setso sa morabe wa Batlokwa, ba fumanwang dibakeng tse ngata ho phatlalla le Afrika e ka Borwa.

Kriel o lakaletsa Morena e Moholo Mota selemo se tlang sa mahlohonolo le katleho. “Ke thapelo ya rona hore yena le setjhaba sa hae ba tla atleha le ho ho tswela pele dilemong tse tlang. Ebile tlotla e kgolo ho otlellela letsoho la setswalle, ho ipapisitswa le temoho ya kutlwano le tlhompho, ho ditjhaba tsa Batlokwa ho phatlalla le Afrika e ka Borwa. Re motlotlo hore Morena o re file matsoho a ho aha bokamoso boo re bo lakatsang bakeng sa bana ba rona. Leha ho na le diphapano tse teng mahareng a baahi ba ditso tse fapaneng, re kgetha tsebedisanommoho ditabeng tsa ditabatabelo tse tshwanang ho bopa kgahlamelo e ditholwana tse ntle ho baahi ba boemong bo tlasetlase. Ke ka hona tshebedisanommoho e nepahetseng mahareng a baahi ba ditso tse fapaneng hore kutlwano le tshepano di ntshetswe pele,” Kriel o ile a toboketsa jwalo.

Barend Uys, Hlooho ya Dikamano  le Tshebedisano ya Ditso tse Fapaneng AfriForum, o hlalosa hore dikamano tse ntle le tshebedisanommoho  mahareng a baahi ba ditso tse fapaneng di bohlokwa bakeng sa phedisano etswelang pele ya katleho le kgotso bakeng sa ditjhaba tse fapaneng ntlheng e ka borwa ya Afrika. “Re motlotlo bakeng sa letsoho la setswalle  leo Federeishini ya Makgotla a Batlokwa le le otlollotseng ho AfriForum. Ke tlhohonolofatso hore ho feta ho ba metswalle, hape re baena le dikgaitsedi ho Kreste – tlotla eo re sa e nke ha mafelafelwane,” ha realo  Uys.

Ka 2025, AfriForum, Ntlo ya Naha ya Baetapele ba Setso le Khoi-San (National House of Traditional and Khoi-San Leaders (NHTKL)) le ofisi ya Morena e Moholo Mota ba ile ba sebedisanammoho ho kenya tshebetsong mokgwa wa pompa metsi ka matla a sola (sola-powered water system) e nnetefatsang phepelo e tshepahalang ya metsi diofising tsa Lekgotla la Setso la Batlokoa Ba Mota( Batlokoa Ba Mota Traditional Council) le tshingwaneng ya lehae ya meroho. Boithaopo bo latela ho etella pele ha NHTKL ho ntshetsa pele bomphato bona bo etsang pale jwalo ka ho thakgolwa ha Lenaka Memorial Lecture e tshwarwang selemo le selemo e neng e tshwaretswe Sekolong sa Sekondari sa Manthatisi Tsheseng ho ya mafelong a 2024. AfriForum le Batlokoa Ba Mota hape ba ile ba kenela  tumellano ya tlhomphano le tshebedisanommoho ka 2025.

Sesotho