I-AfriForum yeseka ngokugcwele iBafana Bafana
Inhlanagano yamalungelo oluntu i-AfriForum ifisela iBafana Bafana okumhlophe ekubambeni kwayo iqhaza kweyangalo nyaka Indebe Yomhlaba ye-FIFA. I-AfriForum ileseka ngokugcwele leli qembu, elizobhekana nezwe elisengethe le ndebe yomhlaba okuyiMexico namuhla kusihlwa, kulo mdlalo okungowukuvula eDolobheni lase-Mexico.
“IBafana Bafana isivele izuze ngokwedlulele ngokuba yamukeleke kulo nyaka kule Ndebe Yomhlaba yeFIFA. Yithuba lokuziqhenya ngeBafana Bafana ukuba ikwazi ukungenela lo mqhudelwano kanye namanye amazwe aholayo ekudlaleni ibhola likanobhutshuzwayo kule nkundla,” kuchaza uKallie Kriel, i-CEO ye-AfriForum.
“Siyaqiniseka ukuba ukapteni uRonwen Williams neqembu lakhe linakho konke abakudingayo ukuba lenze kahle kulo mqhudelwano. Bangadlala kulo mqhudelwano bazi kahle kamhlophe ukuba abalandeli la ekhaya baleseka ngokugcwele iqembu lesizwe nokuthi bayabakhuza ngesasasa kuze kukhale impempe yokugcina. Siwulindele ukuwubuka lo mqhudelwano oyintokozo,” kuphetha uKriel.
