AfriForum le Makholokoe ba thakgola projeke e kopanetsweng ya dikgoho le meroho mme ba Tekena tumellano


AfriForum le baahi ba setso sa Makholokoe kajeno ba thakgotse projeke e kopanetsweng ya dikgoho tsa mahe le meroho Mahaseng, sebakeng sa bodulo se ka sehloohong sa baahi ba setso sa Makholokoe, tikolohong ya Harrismith, provenseng ya Freistata. Projeke ena e qala ka moralo o kenyeleditseng ditsounyana tse dibek di nne tsa mofuta wa Boschveld, hoko ya dikgoho e nang le disebediswa, peo ya moroho e tla fanwa selemo kaofela mmoho le difate tse leshome tsa ditholwana. Ditho tsa baahi di ile tsa matlafatswa ka thupello ya ho rua dikgoho jwalo ka karolo ya ho thakgola projeke. AfriForum le Makholokoe a tekenne kananelano ya kutlwano le tshebedisano nakong ya ketsahalo ena e etsang pale.
Projeke ena ya ntshetsopele ya temo e kenngwa tshebetsong ke Lelapa la Borena la Makholokoe ka kopanelo le AfriForum ka mokgatlo wa Resilient Regenerative Agricultural Initiative (RRAIN). RRAIN ke mokgatlo o thuthuisang tswelopele ya temo le boithaopo bo kopanetsweng ba AfriForum le Saai.
“Projeke ena e na le kgonahalo ya ho hlahisa lekeno le intshetsang pele ka hare ho baahi ba rona le ho theha monyetla bakeng sa ditho tsa baahi ho iphumanela tsebo ya thuo ya dikgoho e tla ba fola molemo ha nako e ntse e ya. Ke monyetla bakeng sa rona ho sebetsa le AfriForum, mme re motlotlo hore re etse dikamano tsa rona di be molaong ka tumellano ya kajeno,” ha realo Morena e Moholo Paulos Moloi, Morena e Moholo wa baahi ba setso sa Makholokoe.
“Efela e le monyetla bakeng sa AfriForum ho ba molekane wa Makholokoe. E sebetsa jwalo ka bopaki ba bokamoso bo botle bakeng sa bana ba naha ya rona. Ho a kgonahala ha baahi ba ditso tse fapaneng ba sebetsa mmoho ho itshetlehile kananelano ya kutwanao le tlhomphano, ho kgonahatsa baahi ho ntlafatsa maphelo a bona le ho ikemela ka ho iketsetsa. Re leboha Afgri Retail Harrismith eo tshehetso ya yona e etsang hore projeke ena e kgonahale,” ha realo Kallie Kriel, Mohlanka e Moholo wa Phethahatso wa AfriForum.
“Ke tlotla ho rona ho tekena kananelano ya kutwano le tshebedisano le Makholokoe kajeno. Marangrang a baahi ba ditso tse fapaneng ba ananelanang le ho tshehetsana, e thehilweng kananelanong ya kutlwano le tlhompho, butlebutle e bopa tikoloho e kgonahatsang ebile e thusang baahi ho iketsetsa ka bobona ho tswela pele. Re tshepa hore projeke ena hape e tla susumetsa bathahaselli ba bang ba mahlakoreng a poraevete le a mmuso ho ikakgela ka setotswana ntshetsopeleng ya nako e telele ya baahi,” ha realo Barend Uys, Hlooho: Dikamao tsa Merabe ya Ditso tse Fapaneng le Tshebedisano AfriForum.



