AfriForum ga e dumelelane le ditatamente tša boganka le go hlohleletša hlakahlakano

AfriForum e file kgopelo ya ka pela go badudi, kudukudu bao ba lego maemong a boetapele, gore ba seke ba fa dipego/ditatamente tša go hlohleletša boganka le go gaša di video tše di kago hlola ngangego gare ga badudi le ditšhaba tša ditšo tša go fapafapana. Go ya ka AfriForum, go bohlokwa gore ka mehla go dirwe dilo ka mokgwa wa kwano le hlomphano gare ga badudi le ditšhaba tša ditšo tša go fapafapana. Kgopelo ye ya AfriForum e tlile ka morago ga ge go ile wa phatlalatšwa video yeo go šomišitšwego polelo ya go bontšha boganka kudu, ka go dikgatišo tša leago mo bekeng ya go feta, ebile le bašomi ba mmalwa ba Mmušo le baetapele ba dipolitiki ba fela ba fa ditatamente tša boganka tšeo di oketšago ngangego gare ga batho ba ditšo tša go fapana.

“AfriForum e lwantšhana kudukudu le tšhomišo ya polelo ya boganka le ditšhošetšo tšeo di lebišitšwego go merafe ya dtšo tše dingwe tše di lego ka go video yela. Go latofatša AfriForum, ye e lego mokgatlo wa go hlompha ditokelo tša batho wo o šomago o lebeletši dinyakwa tša badudi, ka gore o ‘unpatriotic’ le gore ‘e na le bosemorafe’ bjalo ka ge Motlatša-Mongwaledi wa Pele wa ANC. Nomvulo Mokonyabe a boletši, ga o amogelegi”, se se bolelwa ke Hlogo ya Intercultural and Cooperation wa AfriForum, e lego Barend Uys.

AfriForum e bona gape setatamente sa Seboleledi sa Bosetšhaba sa ANC, Mahlengi Bhengu Motsiri, sa gore AfriForum “ga se ya swanela go tlogelwa” ka leihlo le bogale. “Dipolelo tša gagwe tša gore fokase ya ANC e swanela go ba ya go bopa setšhaba sa Afrika Borwa go ba ngata e tee, ga di sepelelane le mokgwa wa ANC wa go fa dipego le go hlohleletša dikarogano ge go lebeletšwe AfriForum. Go fapana le seo a se bolelago, ke dipholisi tša ANC tša dinaga tša ka ntle le tša ka gae tšeo di gobošitšego seriti sa Afrika Borwa” go hlaloša Uys.

Mokgatlo wo wa ditokelo tša botho o gatelela gape gore pego ya Vincent Magwenya, yo elego Seboleledi sa Mopresidente, ya gore AfriForum “e bjala phapano ya semorafe le botšhošetši” ga se nnete. “AfriForum e šomišana botse le ditšhaba tša go fapafapana tša magaeng le ditoropong tša badudi ba ditšo ka moka go bona gore go be le tšwelopele maphelong a badudi ka moka go tloga bonnyaneng. Nnetenete ke gore ke dipego le dipolelo tša bašomi le baetapele ba mmušo ba go swana le Magwenya le borapolitiki ba bjalo ka Bhengu-Motsiri bao ba hlolago karogano le go dira gore go seke wa ba le maphelo a khutšo mo Afrika Borwa. ANC e rweša AfriForum molato wa phošo yeo e dirwago ke bona beng” A fetša bjalo Uys.