Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Porojeke e e Kopanetsweng ya Tlhabololo ya Temothuo e keteka thobo ya ntlha ya 2026

Lebo Mosime, mothei le CEO wa Setlamno sa Kgwebo sa Thabake

Nantes Kelder, Mookamedi wa Bosetšhaba wa Porojeke wa Dikamano le Tirisano Gare ga Ditso Tse di Farologaneng kwa AfriForum

Leon Lourens, Mookamedi wa Tsa Tlhabololo kwa Saai

Porojeke e e kopanetsweng ya tlhabololo ya temothuo ya AfriForum, Saai le Setlamo sa Kgwebo sa Thabake, e e ntseng e dirwa ka fa ntle ga Phokeng kwa Bokone Bophirima go tloga ka 2022 e simolotse ngwaga ka tsela e e itumedisang thata ka thobo ya ntlha ya dierekisi tsa boima jwa 200 kg mo bekeng eno. Fa e sale setlhopha sa porojeke se simolola go jala dingwaga di le pedi tse di fetileng, go ne ga rojwa ditone di feta 60 tsa merogo mo setsheng sa diheketara di ka nna 0,75.

Afriforum le Saai di tshwaragane le porojeke ya kgodiso ya go tlhabolola temothuo, Letsholo la go Tsosolosa Temothuo e e Kgonang go Itsetsepela NPC (Resilient Regenerative Agricultural Initiative (RRAIN).

Lebo Mosime (mothei le CEO wa Setlamo sa Kgwebo sa Thabake), Nantes Kelder (Mookamedi wa Bosetšhaba wa Porojeke wa Dikamano le Tirisano Gare ga Ditso Tse di Farologaneng kwa AfriForum) le Leon Lourens (Mookamedi wa Tlhabololo wa Saai) ka dikereiti di le mmalwa tsa thobo ya ntlha ya ngwaga.

Thobo ya bosheng jaana e salwa morago ke ya dikomokomore tsa boima jwa 800 kg tse di neng tsa rojwa ka Sedimonthole mme, gareng ga tse dingwe, tsa romelwa kwa mebarakeng ya Tshwane le ya Johannesburg ya maungo a a foreshe le kwa kgwebong e kgolo ya Freshlinq ya tlhagiso ya merogo e e foreshe. Go tswelela pele ga mebaraka e na le tlhagiso ya dikumo tse di foreshe go netefatsa gore porojeke eno e setse e dirile kgolo e e kgonang go itsetsepela le go dira kgatelopele mo go tsa kgwebo.

Porojeke e e kopanetsweng ya tlhabololo ya temothuo e simolotse ka 2022 morago ga gore Lebo Mosime, mothei le CEO wa Setlamno sa Kgwebo sa Thabake a ikgolaganye le AfriForum go e itsise gore o batla go atolosa temo ya gagwe ya merogo e e neng e santse e le nnye gore e nne kgwebo ya temothuo e e nang le dipoelo tse dikgolo mo ikonoming. Fa e sa le ka nako eo, tirisanommogo eno e ntse e gola ka go jalwa ga merogo ka katlego ngwaga le ngwaga, ka mekgwa e e tokafaditsweng ya go laola temo le go nna le thobo e e oketsegileng.

“Lebaka fela la go bo jaanong re kgona go jala, go roba le go isa dikumo kwa mebarakeng e e farologaneng ka kgolo nngwe le nngwe ya temo ya rona le bontsha kgatelopele e re e dirileng,” go rialo Mosime. “Paka nngwe le nngwe e tla ka dikgwetlho tse disha, mme gape e re bulela ditšhono tse disha tsa go ithuta, go tokafatsa le go dira kgatelopele ka tsela e kgolo. Mokgele wa me e sa ntse e le go tlogela boswa jo bo tla solegelang molemo e seng ba lelapa la me fela mme gape le setšhaba kakaretso se ke dirang mo gare ga sone.”

Go nna le seabe ga Saai mo porojekeng eno ke go tlamela ka tshegetso e e tswelelang pele malebana le botsamaisi, dithulaganyo le tlhagiso-dikumo fa bomankge bone ba tlamela ka kitso ya bone ya go tlhopha mefuta e e farologaneng ya dikumo le ya go bolaya diji le mefero gore tlhagiso-dikumo e kgone go gola.

*Go lema merogo ke tiro ya ka natla e bile thobo ke tiro e e jang nako e badiri ba tshwanetseng go e dira ka diatla.*

“Porojeke eno ke bosupi jwa se motho a ka kgonang go se dira fa a katisa ba bangwe, a ba ruta dikgono-tiro le go dirisa mekgwa e e tshwarelelang fa nako e ntse e tsamaya,” go rialo Leon Lourens, Mookamedi wa Tsa Tlhabololo kwa Saai. “Ga go a tlhomiwa mogopolo mo go tlhagiseng merogo fela, mme mo tlhabololong ya setlamo sa kgwebo se se ikemetseng ka nosi, se se nang le matswela sa temothuo.” Go ya ka Lourens, go itshoka ga ga Mosime ke sekao se se molemo mo basading ba ba batlang go nna le seabe mo intasetering ya temothuo le sa go itlamela.

Go ya ka Nantes Kelder, Mookamedi wa Bosetšhaba wa Porojeke wa Dikamano le Tirisano Gare ga Ditso Tse di Farologaneng kwa AfriForum, diporojeke tse di kopanetsweng tsa temothuo tse di tshwanang le eno e nna dikgato tsa konokono tsa AfriForum tsa go nonotsha mokgatlho wa merafe ya setso. Boikaelelo jwa mokgatlho ono ke go dira gore go nne le kamano e e molemo le tirisanommogo fa gare ga bana ba merafe e e farologaneng ya setso mo lonakeng lo lo kwa borwa jwa kontinente ya Aforika. “Kgolo e e lemogilweng fa e sale ka 2022 e tlhomamisa gore tirisanommogo, go se tlhaele ga dijo le go kgona go itlamela ga merafe eno go a tsamaisana. Porojeke eno e bontsha ka fa tirisanommogo e e tswelelang pele fa nako e ntse e tsamaya e ka nnang le diphelelo tse di molemo thata ka gone mo bathong ba maemo a a kwa tlase.”

Morago ga go konela thobo ya ntlha ka katlego ya 2026, go setse go rulaganyeditswe dithulaganyo tse dingwe gape tsa temo tsa ngwaga, tse e leng karolo ya porojeke ya go fitlhelela kgwebisano.