Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Artikels | Forum Nuus

Nuwe storielyn, ou bekendes in Vetkoekpaleis 3

DeurCarina Bester 02/12/202402/12/2024

Die gewilde program Vetkoekpaleis is in 2025 terug met ’n splinternuwe storielyn wat aanhangers met nuwe kwinkslae gaan laat skaterlag.

Alhoewel Vetkoekpaleis II heelwat nuwe kykers gelok het, was die terugvoer van ou kykers dat die storielyne baie ooreenstem. Daarom sê Pieter Esterhuizen, regisseur, het hulle die nuwe episodes vernuwe na 2024 toe met selfone en tegnologie. “Van die ouer kykers wat die storielyne goed ken, kan nou uitsien na nuwe inhoud.”

Kykers kan uitsien na al die ou karakters, maar kan ook verwag om vir Liane Heyl (Boeboe) te sien. Heyl gaan, volgens Willie Esterhuizen, vervaardiger en akteur, moeilikheid maak tussen hom en Molly (Lizz Meiring).

“Ek is altyd nuuskierig en opgewonde om te sien waarmee Willie vorendag kom. Wat hom so uniek maak is dat hy goeie vroue karakters skryf, hy verstaan hulle so sy karakters is genuanseerd,” sê Meiring.

Volgens Willie kan mense verwag om te lê van die lag as hulle die nuwe episodes kyk.

“Dit is tog waaroor dit gaan. Daar is so min waaroor ons in die land kan lag dat ons ons eie grappe opmaak sodat mense lekker kan lag vir Afrikaanse humor.”

Vir hom is dit ’n absolute voorreg om oopkop te kan skryf. “Ons is verskriklik dankbaar vir die geleentheid, waar anders kan ons Afrikaanse televisie ongesensor doen?” sê Willie.

Die tien nuwe episodes word van 26 Februarie tot 29 Maart 2025 voor ’n vol gehoor in AfriForum Teater opgeneem. Mense kan die teater se webblad besoek om kaartjies te koop om deel van die gehoor te wees. Dié reeks sal dan ook later gratis op AfriForumTV beskikbaar wees.